Ավանդական ուտեստներ💛
Իմ ամենասիրելի տոներից մեկը Ամանորն է։ Այն տարբեր երկրներում նշվում է տարբեր ձևերով։ Շատ եմ սիրում նաև ամանորյա ուտեստները, որոնք պատրաստում ենք մեծ սիրով ու բարձր տոնական տրամադրությամբ։ Իրականում ուսումնասիրեցի, թե ինչ ուտեստներ են պատրաստել ամանորին հնում։ Հիմա կփորձեմ համեմատել։ Եթե այսօր Նոր տարվա սեղանի հիմնական ուտետներից են մսեղենն ու ձկնեղենը, ապա նախկինում Հայաստանում տոնական ուտեստների հիմնական բաղադրիչը ձավարն էր։ Ամանորի սեղանի պարտադիր ուտեստն էր «Պասուց տոլման», որը ինչքան գիտեմ, պահպանվել է մինչ օրս։💛
Բացի այդ՝ Ամանորի սիրված ուտեստներից էր հարիսան: Սեղանին պարտադիր դրվել է նաեւ աղանդեր՝ ընկույզ, կաղին, նուշ, չոր ու թաց մրգեր, քաղցր ու թթու պաստեղներ:
Իսկ այժմ Նոր տարվա սեղանին հայտնվել են մեծ թվով մսեղեն ուտեստներ՝ քյուֆթա, նրբաբլիթ, հետո նաև ի հայտ եկավ խոզի բուդը դնելու ավանդույթը։ Այն մինչ այժմ էլ կա։ Բոլորը հյուր են գնում միմյանց, շնորհավորում Նոր տարին ու փորձում ամանորյա ուտեստներից։💛