Հոդված ամփոփում💛
Քանի որ, «Դիջիթեք 2022»- ի շրջանակներում մեզ տրված էր դասավանդելու «Քարտեզագրություն» թեման, մենք այն լիարժեք ավարտին հասցրեցինք։ Ես և Ռոզան միասին, կազմակերպված, մինչև դասընթացները սկսվելը արդեն պատրաստվում էինք։ Հետաքրքիր նյութեր էինք հավաքում ու մտածում, թե ինչպես կարող ենք ավելի լավը դարձնել դասընթացները և խելամիտ օգտագործել այն մի ժամը, որը տրված էր մեզ թեման դասավանդելու համար։
Թեմային արդեն ինքներս քաջ ծանոթ էինք, բայց ուզում եմ նշել, որ կային բաներ նույնիսկ, որ դասընթացի ժամանակ ենք սովորել։
Սկզբում լարվում էինք այնքան, մինչև իրականացրեցինք մեր առաջին դասընթացը։
Նախքան սկսելը նորից էինք կրկնում, որ չսխալվենք ու ավելի հետաքրքիր մատուցենք։ Երբ սկսեցինք, արդեն ինքնըստինքյան ամեն ինչ հեշտ ու լավ ստացվեց։ Շատ ուրախ եմ, որ առաջին դասընթացը Հարավային դպրոցում անցկացրեցինք։ Սովորողները որոշ չափով ճանաչում էին քարտեզը, նույնիսկ մեկ-մեկ մեր փոխարեն իրենք էին ներկայացնում։
Դասընթացը կառավարելը սկզբում այդքան էլ հեշտ չէր թվում, ինչպես որ պատկերացնում էինք։ Աղմկում էին ու չէինք կարողանում դասընթացը վարել։
Մեր երկրորդ դասընթացը արդեն Արևելյան դպրոցում անցկացրեցինք։
Արևելյան դպրոցի սովորողները այդքան էլ ակտիվ չէին։ Կարծում եմ, եթե գոնե մի փոքր տարիքայինը համընկներ, գոնե հետաքրքրություն կառաջանար նրանց մոտ։ Բացի այդ նրանք աղմկում էին ու ինչպես նշեցի շատ դժվար էր արդեն կառավարելը։ Չնայած որ մի քանիսը ուշադիր լսում էին…
Արդեն երկրորդ դասընթացից հետո, հասկացա, որ շատ բարդ է ուսուցչի աշխատանքը, ինքս իմ մեջ հիշում եմ ինչպես էինք փոքր ժամանակ բարկացնում մեր ուսուցիչներին ու ափսոսում եմ, որ նրանց աշխատանքը շատ ժամանակ չենք գնահատել։
Շատ բարդ է աշխատելը այնպիսի լսարանի հետ, որը չի լսում քեզ ու հետաքրքրված չէ։
Երրորդ դասընթացն Արևմտյան դպրոցում էր, որն ավելի լավ անցավ, սովորողները աշխարհագրությունից գաղափար ունեին ու ուշադիր լսում ու հետաքրքիր հարցեր էին տալիս, որը չէինք լսել այն երկու դասընթացների ընթացքում։
Վերջին երկու դասընթացները արդեն ավելի մատչելի ենք անցկացրել, քանի որ արդեն մեծ փորձ ունեինք։ Վերջում խաղն ու հետաքրքիր ծրագրերը ներկայացրեցինք նրանց, որոնց մենք ծանոթ էինք ընկեր Գայանեի շնորհիվ։ Այնքան ուրախ էին, զարմացած ուշադիր նայում էին, ու նաև խնդրեցին ծրագրերն իրենց ուղարկենք, որ հետո տանն էլ նայեն։
Ես արդեն հիացած էի մեր վերջին դասընթացով։
Իրականում շատ դժվար էր աշխատել փոքր տարիքի սովորողների հետ, ոմանք լսում էին, ոմանք աղմկում ու խանգարում…
Այդ իսկ պատճառով որոշեցինք դասընթացը կառավարել ավելի մատչելի ու ավելացրեցինք խաղ, որը իհարկե գրավեց նրանց նույնպես։
Քանի որ, նրանք այդքան էլ մեծ չեն ու նամանավանդ 21-րդ դարում շատ ինտելեկտուալ խաղեր կան որոնցով սկզբում ասեցին, որ հետաքրքրվում էին, մենք էլ մտածեցինք կիրառել հենց դա։
Երբ սկզբում ասեցինք, որ ուշադիր լինեն դասընթացի ժամանակ լսված ամեն բառին, քանի որ վերջում խաղ են խաղալու, ոչ մի ձայն չէինք լսում, էնքա՜ն ուշադիր էին լսում։
Այդպես մեր դասն ավելի լիարժեք դարձրեցինք։ Սովորեցինք կառավարել մեր դասընթացը, ինչպես աշխատել սովորողների հետ, ինչպես մատուցել նյութը, որ ավելի ուշադիր լսեն ու ձանձրույթ չառաջանա սովորողների մոտ…
Մի աղջիկ շատ խելացի ու անհամբեր էր, ամեն նոր ծրագիր երբ բացում էինք, արագ նայում էր անվանումը, գուգլում էր ու բացում մեզ հետ հավասար թերթում էր, ու արագ ընկերներին էր օգնում։ Անկեղծ մի պահ ինձ պատկեըացրեցի այդ ժամանակ, ես նույնպես այդպիսին եմ …
Մեզ դասընթացները վստահելը շատ մեծ օգուտ տվեց ինչու ոչ նաև մասնագիտականի կողմնորոշման հարցում։ Նախ սկզբում հասկացա, որ կարող եմ կատարել թիմային աշխատանքներ, քանի որ Ռոզայի հետ շատ հետաքրքիր էր աշխատելը ու հետաքրքիր նյութեր հավաքելը, մենք հասկանում էինք իրար։ Կարողանում էինք արագ կողմնորոշվել, եթե հանկարծ սխալների էինք հանդիպում դասընթացի ժամանակ։
Քարտեզագրությունը ինձ հաստատ պետք է գալու, մանավանդ որ ընտրել եմ «զբոսաշրջություն» բաժինը։
Եվ ավելին ասեմ, ոգեշնչվել եմ ու այս տարվա մեջ անպայման մի քանի ճամփորդական երթուղի եմ կազմելու, ու շատ ուրախ կլինեմ եթե միասին այցելենք ու ինքս ներկայացնեմ այն վայրերը, որտեղ գնալու ենք…
Դասընթացների ընթացքում մի քանի երեխա կոնկրետ տպավորվել են իմ ներսում, որպես ուշադիր, խելացի ու լավ սովորողներ…
Շնորհակալություն մեզ այսպիսի տպավորությունների, հիշողությունների ու այդպիսի լավ հնարավորություն ընձեռելու համար…💛