Դասընթացի շրջանակներում այցելել ենք Արևելյան դպրոց։ Քարտեզների մասին ինֆորմացիան փոխանցեցինք Արևելյան դպրոցի սովորողներին ևս։ Սովորողները այդքան էլ ուշադիր չէին դասընթացի և քարտեզագրության նկատմամբ, չհաշված մի քանի սովորողի։

Ներկայացրել ենք ծրագրերը, հետաքրքիր փաստեր քարտեզագրության մասին։ Վերջում շատ են տվել հարցեր, որոնց սիրով պատասխանել ենք։

Այսօր մեր դասընթացները միացրեցինք իրար ու ստացանք հետաքրքիր արդյունք։ Սկզբում Հրաչուհի Մանվելյանը և Բելլա Աբրահամյանը ներկայացրեցին քարտեզագրության հետաքրքիր ծրագրերը, որոնց շնորհիվ սովորողները ավելի հեշտ կկարողանան ճանապարհը գտնել, եթե օրինակ գտնվում են լեռների վրա։ Իսկ հետո ես ու Ռոզան միացանք նրանց` ներկայացնելու մեր նյութը` քարտեզներ, մասշտաբ և վերջում էլ մի քանի հետաքրքիր ծրագրեր ինչպիսիք են`
Windy- այս ծրագրի միջոցով կարող ենք տեսնել, թե ինչ եղանակ է աշխարհի յուրաքանչյուր հատվածում

Earthquake latest- Իսկ այս ծրագրի շնորհիվ մենք կարող ենք տեսնել, թե որտեղ է եղել վերջին երկրաշարժը, նույնիսկ մագնիտուդը
Worldomers- Այս կայքի միջոցով կարող ենք հետևել թե ամեն վայրկյան աշխարհում ինչքան մարդ է ծնվում և մահանում

Զրուցեցինք, նրանք նույնպես իրենց մոտ ներբեռնեցին ծրագրերը հետո ուսումնասիրելու համար։
Կարծում եմ դասընթացը հաջող ստացվեց։
Ֆոտոներ`

Հարավային դպրոցի դասընթացն ավարտելուց հետո տեղափոխվել ենք Արևելյան, գիտելիքները փոխանցելու այս դպրոցի սովորողներին։ Երբ իմացան, որ ծրագրեր ենք ուսումնասիրելու, ավելի հետաքրքրությամբ էին սպասում վերջին։

Իրականում միշտ ծրագրերի դիտման ժամանակ մեծ աղմուկ է բարձրանում, քանի որ բոլորը ուզում են իրենց ցանկացած երկիրը տեսնել։ Այդպես քննարկելով անցկացրեցինք մեր դասընթացը, ու բոլորը սպասում են մեր մյուս արդեն գործնական աշխատանքներին։)

Այս տարի ևս շարունակում ենք ԴիջիԹեք -ի շրջանակներում դասավանդել քարտեզագրություն, սակայն արդեն մեր թեմայի ծավալը մեծացրել ենք։ ԴիջիԹեք 2023-ի առաջին դասընթացը տեղի ունեցավ Հարավային դպրոցում։

Սկզբից ներկայացրեցինք քարտեզ, քարտեզի ընդհանուր բնութագիր, մասշտաբ, զուգահեռականներ և հորիզոնականներ ու հարցերով ամփոփելուց հետո արդեն անցանք քարտեզագրման ծրագրերը ներկայացնելուն։ Իրականում ծրագրերն ավելի հետաքրքրությամբ էին լսում քան քարտեզների մասին։ Ու մեր մյուս դասին արդեն կանցնենք ավելի գործնական աշխատանքների, քանի որ բոլորը սպասում են պատրաստ։ Երբ նշեցինք որ քարտեզները տարբեր տեսակների են լինում, մի սովորող հարցրեց,- բա Սովետի քարտեզ չկա՞, էն ժամանակ ավելի լավ էր էլի։ Մի խմբին էլ նացիստական Գերմանիայի քարտեզն էր հետաքրքրում։ Էնքան հետաքրքիր սերունդ ունենք փաստորեն։ Դասընթացի վերջում մոտեցել ու քարտեզագրման ծրագրերի անուններն էին հարցնում։ Վստահ եմ կյանքում հաստատ պետք կգան քարտեզագրման գիտելիքները։

Ողջույն։ Այսօր ընկեր Մարիամի և ընկեր Էլյայի հետ այցելել էինք ավագ դպրոցի ընթերցարան և մասնակցում էինք քննարկմանը։ Խոսեցինք հեռավար ուսուցում ընտրած սովորողների քանակներից, այլ երկրներում հեռավար սովորողներից, որն իրականում զարմանալի էր ինձ համար, երբ կրթահամալիրը ունի սովորողներ շատ տարբեր երկրներից, օրինակ` Շվեդիա, Մեքսիկա, Ամերիկա, Չինաստան, Կանադա։

11-րդ դասարանի մի սովորող, պատմեց, թե ինչպես է Նիդեռլանդներում հեռավար սովորելուց հետո, եկել այստեղ առկա շարունակելու։ Նշեց, որ ոչ մի տարբերություն չկա հեռավարի և առկայի միջև, որն էլ հենց ամենակարևորն է։

Մեզ ներկայացվեցին կրթահամալիրի սովորողների ընդունելության, հեռավար և առկա ուսուցման մասին։ Հանդիպումը շատ հետաքրքիր էր։)

Այսօր շատ հետաքրքիր անցավ։💛 Միասին քոլեջում դդմով ուտեստ պատրաստելուց հետո, մենք գնացիք Ագարակ, մասնակցելու Մեդիաուրբաթին։ Սկզբում թոնրի լավաշ համտեսեցինք, հետո էլ դդմով խմորեղեն։  Համտեսելուց հետո, միասին մեծ շրջան կազմեցինք ու սկսեցինք երգել ու պարել։ Շատ հետաքրքիր ու հիշարժան օր ունեցանք այսօր։

Նկարները ստորև՝

Այսօր օրը շատ հետաքրքիր սկսվեց։ Առավոտյան մասնակցեցի Անուշի՝ մուլինե թևնոցների հյուսելու դիջիթեքին։ Սովորեցի հյուսել և ինձ համար գեղեցիկ թևնոց հյուսեցի։ Սկզբում մի փոքր բարդ թվաց, սակայն արագ սովորեցի և գեղեցիկ թևնոց ստացվեց։💛Ահա, ընթացքը կարող եք դիտել տեսանյութում՝

Ողջույն։💛Իրականում մտածում էի, թե այսօր էլ, սովորական օրերի նման դաս ենք անելու, բայց հենց առավոտյան, ընկեր Մարիամը մեզ ասաց, որ հանենք բաճկոնները, լվացվենք ու անցնենք խոհանոց։💛 Բոլորս լվացվեցինք ու անցանք խոհանոց, ընկեր Նելլին մեզ էր սպասում, միասին պիտի դդումներ մաքրեինք։💛Անցանք գործի, վերցրինք դանակներն ու ուրախ, երգելով սկսեցինք մաքրել։ Հետո պատրաստեցինք ֆարշը և Անուշը սկսեց տապակել թավայի մեջ։ Իրականում շաաատ համեղ էր ստացվել։💛

Այսօր ընկեր Հասմիկի հետ այցելեցինք Մայր դպրոցի  տեղնոլոգիայի դասասենյակը։ Այնտեղ  թաղիկագործության առաջին դասն էր լինելու։ Երեխաները անհամբեր սպասում էին դրան։ Միասին շրջեցինք, տեսանք երեխաների աշխատանքները։ Ամեն մեկը մի հետաքրքիր բան էր հորինում։ Մի աղջիկ, առաջինը ավարտվեց և շատ գեղեցիկ սիրտ էր ստացել, ինձ շատ դուր էր եկել։ Շատ հետաքրքիր էր։ Շնորհակալություն։💛